"ენმ"-ს წევრი , აკაკი მინაშვილი , ორბელიანების სასახლეში შეხვედრის დასრულების შემდეგ აცხადებს, რომ ჰქონდათ მკაფიო პოზიცია - ნიკა მელიას მოლაპარაკებაზე ყოფნა, პოლიტპატიმრების გათავისუფლება და ვადამდელი არჩევნები.

მისივე განმარტებით, ღარიბაშვილს შერბილებული ტონი ქონდა, რაც მისივე თქმით, ფრთხილი ოპტიმიზმის საფუძველია.

ჩვენი პოზიცია იყო ძალიან მკაფიო, რომ ნიკა მელია უნდა იყოს ამ მაგიდის ირგვლივ, ან საუბარი უნდა იყოს ნიკა მელას გამოშვებაზე და უკვე შემდეგ გიორგი რურუას გამოშვებაზე და მეორე საკითხი, რომელიც არის პრიორიტეტული პარტიებისთვის - ვადამდელი არჩევნები და ესაა ის საკითხები, რომელზეც უნდა შედგეს შემდგომი დისკუსია.

გარკვეულწილად შერბილებული ტონი გქონდა ღარიბაშვილს და ეს გვაძლევს ფრთხილი ოპტიმიზმის საფუძველს. ეს არის საერთაშორისი საზოგადოების და საქართველოს მოქალაქეების აქტიურობის შედეგი მთელი ამ დღეების განმავლობაში" ,- განაცხადა მინაშვილმა "დღის სტუმარში".

შეგახსენებთ, შეხვედრა ოპოზიციასა და ხელისუფლებას შორის საღამოს 20 საათზე დაიწყო. "ოცნებიდან" მას პრემიერი ღარიბაშვილი ესწრებოდა. დიალოგი სწორედ ევროპის საბჭოს პრეზიდენტის ინიციატივით დაიწყო.