“სად არის ბავშვი ამ გადაწყვეტილებაში?... მხოლოდ წულუკიანმა თუ უწყის...“ - რა ბედი ელის მოსწავლეს, რომელსაც გადაუხდელობის გამო სტატუსი შეუწყდება

“სად არის ბავშვი ამ გადაწყვეტილებაში?... მხოლოდ წულუკიანმა თუ უწყის...“ - რა ბედი ელის მოსწავლეს, რომელსაც გადაუხდელობის გამო სტატუსი შეუწყდება - ნინო კვიტაიშვილი “ოცნების“ რეფორმაზე

პოლიტიკა - 19:56, 01 Mar, 2021

625

ზოგადი განათლების შესახებ კანონში შეტანილი ცვლილების თანხმად, კერძო სკოლის მოსწავლეს გადაუხდელობის გამო სტატუსი შეუწყდება, ამასთან, მოსწავლე ვერ გააგრძელებს სხვა სკოლაში სწავლას, ვიდრე მშობლის მიერ არ იქნება დავალიანება დაფარული და არ აღდგება მოსწავლის სტატუსი.

სად არის დაცული ბავშვის უფლება, მაშინ როცა კონსტიტუციითაა გარანტირებული საბაზო განათლების ხელმისაწვდომობა და ვალდებულება - ამ კითხვას სვამს ერთანი ნაციონალური მოძრაობის პოლიტიკური საბჭოს წევრი ნინო კვიტაიშვილი, რომელიც ფეისბუქის გვერდზე პოსტს აქვეყნებს:

„რა და რატომ კეთდება, რატომაა ახლა აქტუალური ესა თუ ის თემა, ნაცვლად განათლების ხარისხისა, მხოლოდ წულუკიანი თუ უწყის, როგორც ჩანს

კერძო სკოლის მოსწავლეს გადაუხდელობის გამო შეუწყდება სტატუსი, შესაბამისად, ცვლილებით ზოგადი განათლების შესახებ კანონში - მოსწავლეს სხვა სკოლა ვერ მიიღებს, ვიდრე მისი მშობელი დავალიანებას არ დაფარავს და აღდგება მოსწავლის სტატუსი.

ამავდროულად, კონსტიტუციით გარანტირებულია საბაზო განათლების ვალდებულებაც და ხელმისაწვდომობაც.

ამოცანა გვეკითხება: სად არის ბავშვი ამ გადაწყვეტილებაში? ბავშვზე ორიენტირებული სკოლის ნაცვლად ... რასაც ვიღებთ ვხედავთ!“ - წერს ნინო კვიტაიშვილი.