"ქართული ოცნების" წევრი , გია ვოლსკი ეხმაურება , შარლ მიშელის ინიციატივას პოლიტიკურ დიალოგზე, და აცხადებს, რომ ევროკავშირს ექნება კონკრეტული შემოთავაზება, მაგრამ თუ კი მოლაპარაკებების მაგიდაზე მოვლეენ ულტიმატუმით, არანაირი მოლაპარაკება შედგება.

"სტაბილურობა ქვეყნის არის 27 სახელმწიფოს ინტერესი, არის ამერიკის შეერთებული შტატები. რეალურად, რეგიონსა და მსოფლიოში ძალიან საშიში პროცესები მიმდინარეობს. აქედან გამომდინარე, დარწმუნებული ვართ, ევროკავშირს ექნება კონკრეტული შემოთავაზება, მაგრამ თუ კი მოლაპარაკებების მაგიდაზე მოდიხარ ულტიმატუმით, არანაირი მოლაპარაკება შედგება. მოთხოვნაა განმეორებითი არჩევნები, ვინაიდან სააკაშვილს არ მოეწონა ამ არჩევნების შედეგები, ეს არის ულტიმატუმი. გაცილებით უფრო დახვეწილია წინადადება, რომელიც გულისხმობს, რომ ოპოზიციის ხელმძღვანელობით შეიქმნას საგამოძიებო ჯგუფი. ამ პოზიციებით მისვლა მოლაპარაკებების მაგიდაზე უმრავლესობისთვის უფრო კომფორტულია, ვიდრე ულტმატუმების ენით მოსაუბრე ოპოზიციისთვის" ,- ამბობს ვოლსკი.

ცნობისთვის, "ყველას გიწვევთ, რომ დღეს საღამოს შეხვდეთ, პოლიტიკური დიალოგის დრო დადგა" - განაცხადა პრესკონფერენციაზე შარლ მიშელმა, რაზეც ირაკლი ღარიბაშვილმა თანხმობა დააფიქსირა, თუმცა აღნიშნა, რომ დიალოგი ყოველგვარი პირობების გარეშე უნდა დაიწყოს.