"სტრატეგია აღმაშენებლის" ლიდერი, გიორგი ვაშაძე, ევროპული საბჭოს პრეზიდენტის , შარლ მიშელის ვიზიტის შედეგად დაგეგმილ დიალოგთან დაკავშირებით აცხადებს, რომ ყველაფერი დღეს ვერ გადაწყდება , თუმცა, მისივე თქმით , გარკვეული დედლაინი გაწერილია - 13-15 მარტი.

"დღეს ველოდებით შეხვედრას, ვნახოთ რა იქნება ამ შეხვედრაზე. ნუ წარმოვიდგენთ რომ დღეს გადაწყდება ყველაფერი, ასე არ იქნება, ნუ წავალთ ზედმეტ ოპტიმიზმში, მაგრამ გარკვეული დედლაინი გამოწერილია - 13-15 მარტი, რა პერიოდისთვისაც ეს შეთანხმება უნდა მოხდეს. ასოცირებზე, საქართველოზე არის მსჯელობა ბრიუსელში და ამის პარალელურად უნდა მოხდეს ძვრა" - ამბობს ვაშაძე "დღის სტუმარში".

ცნობისთვის, ევროპული საბჭოს პრეზიდენტმა ხელისუფლებასა და ოპოზიციას დიალოგის დაწყება დღესვე შესთავაზა. ამ დროისათვის ორივე მხარე შეხვედრისთვის მზაობას გამოთქვამს.