ევროპის საბჭოს პრეზიდენტი შარლ მიშელი ამბობს, რომ საქართველოში დადგა დრო დაპირისპირებულ მხარეებს შორის დიალოგი შედგეს და პროცესი ფასილიტაციიდან მედიაციაზე გადავიდეს.

"ჩვენი მთავარი გზავნილი ის არის, რომ ევროკავშირი არის სანდო პარტნიორი და მეგობარი საქართველოსთვის და საქართველო არის მთავარი პარტნიორი ევროკავშირისთვის. ჩვენ ვიზიარებთ იმ ფასეულობებს, რომელიც უკავშირდება დემოკრატიას და კანონიერებას. ჩემი მეორე მთავარი მიზანი და გზავნილი ის არის, რომ თქვენს გვერდით ვართ კოვიდ-19-თან ბრძოლაში. თქვენ რთული სიტუაცია გაგაჩნიათ ამ კომპლექსურ და რთულ რეგიონში. ჩემი მესამე გზავნილი გახლავთ ის, რომ ახლა და აქ მე ძალიან მაწუხებს ის გაღრმავებული პოლიტიკური კრიზისი, რომელიც საქართველოში არსებობს. არსებული პოლარიზაცია და კრიზისი იმაზე მეტყველებს, რომ საქართველომ მოიპოვა წლების განმავლობაში ეს დემოკრატია და მიღწევები და ეს ყველაფერი თქვენი პრემიერ-მინისტრობის პერიოდში, თქვენი კოლეგების ძალისხმევითაც და ოპოზიციის ლიდერების ძალისხმევითაც უნდა გამოსწორდეს, უნდა დასრულდეს პოლარიზაცია. ნებისმიერი ქვეყნის მთავრობამ უნდა გამოიჩინოს ლიდერული თვისებები და ასევე გამოწვევებს გაუსწოროს თვალი და საქართველოს ინტერესების გათვალისწინებით იმოქმედოს. მე ყველა მხარეს მოვუწოდებ, რომ მოხდეს დეესკალაცია და გაერთიანდეს ძალები იმისათვის, რომ პოლიტიკური დიალოგი შედგეს. მე ყველას ვიწვევ, რომ დღეს საღამოს შევხვდეთ. დადგა იმის დრო, რომ ფასილიტაციიდან გადავიდეთ მედიაციაზე და მე ვიმეორებ, რომ პოლიტიკური დიალოგის დრო დადგა. ეს პროცესი რამდენიმე საკითხს მოაგვარებს. ეს არის სასამართლო სისტემის რეფორმა, დამოუკიდებელი და ანგარიშვალდებული სასამართლო არის ის ასპექტი, რომელიც ჩვენი თანამშრომლობის ძირითად კომპონენტს წარმოადგენს.

ჩემი განზრახვა არც ყოფილა და არც არის, რომ ამ ლამაზ ქვეყანაში გავატარო ერთი დღე, შემდეგ დავბრუნდე ბრიუსელში და მიხაროდეს ამ შედეგების. ჩემი მთავარი მიზანია, რომ სერიოზულად ვუყურებ ამ პროცესს, ამ პოლიტიკური სტაბილურობის მიღწევის პერსპექტივას. კარგად ფუნქციორებად დემოკრატია მნიშვნელოვანია სხვადასხვა გამოწვევის დასაძლევად. ეს შეხვედრა ბრიუსელში ორ კვირაში შეიძლება, საინტერესო მომენტიც იყოს. იმედი მაქვს, რომ დღეს საღამოს გვექნება შანსი, მივაღწიოთ წინსვლას და შეიძლება, დღეს ყველაფერი ვერ მოვაგვაროთ, მაგრამ დღეს შეიქმნება დიალოგისთვის ჩარჩოს სისტემა", - განაცხადა მიშელმა.