ევროპული საბჭოს პრეზიდენტი , შარლ მიშელი პრემიერმინისტრ ირაკლი ღარიბაშვილთან შეხვედრის შემდეგ აცხადებს, რომ პოლიტიკური დიალოგის დრო დადგა და ყველას იწვევს ამ საღამოს შესახვედრად.

ამის შესახებ შარლ მიშელმა პრემიერთან სეხვედრის შემდეგ გამართულ სპეციალურ ბრიფინგზე განაცხადა:

"ახლა და აქ მე მაწუხებს ის გაღრმავებული პოლიტიკური კრიზისი, რომელიც საქართველოში არსებობს. არსებული პოლარიზაცია და კრიზისი თქვენი პრემიერმინისტრობის პერიოდში თქვენი კოლეგების ოპოზიციის ლიდერების ძალისხმევით უნდა გამოსწორდეს, დასრულდეს პოლარიზაცია. ნებისმიერი ქვეყნის მთავრობამ უნდა გამოიჩინოს ლიდერული თვისებები, გამოწვევებს გაუსწოროს თვალი და საქართველოს ინტერესების გათვალისწინებით იმოქმედოს. მე ყველა მხარეს მოვუწოდებ, რომ მოხდეს დეესკალაცია იმისათვის, რომ პოლიტიკური დიალოგი შედგეს. მე ყველას გიწვევთ დღეს საღამოს შევხვდეთ და დადგა იმის დრო, რომ ფასილიტაციიდან გადავიდეთ მედიაციაზე. პოლიტიკური დიალოგის დრო დადგა", - განაცხადა შარლ მიშელმა.