აქციის მონაწილეები , თუ ხელისუფლება მოთხოვნებს არ შეასრულებს, გზის სავალ ნაწილზე კარვებს დადგამენ.

აქტივისტები, რომლებიც ამბობენ, რომ გეგმებს არ ცვლიან, აცხადებენ, რომ მოქმედებენ დამოუკიდებლად და ეს მათი ინიციატივაა და ოპოზიციასთან შეთანხმებული არ არის.

"ოპოზიციის ნაწილი არ გვეთანხმება, მაგრამ კიდევ ერთხელ ხაზს ვუსვამთ, ჩვენ ეს ოპოზიციასთან შეუთანხმებლად გავაკეთეთ, დამოუკიდებლად ვმოქმედებთ, ამიტომ ჩვენ არ ვცვლით ჩვენს გეგმებს, მივდივართ წინ ნებისმიერ შემთხვევაში და ვაპირებთ ბოლომდე ბრძოლას," - განაცხადა აქტივისტმა ლაშა ხუსკივაძემ.