როდესაც ქვეყანა უვაქცინოდ სულსღაფავს, პოლიტიკური ცირკის დრო არ არის - ექიმები "ხელისუფლების მიერ პოლიტიკურ დევნას" გმობენ

პოლიტიკა - 13:28, 26 Feb, 2021

1201

სამედიცინო სფეროს წარმომადგენლები მთავრობისა და პრეზიდენტის სახელზე მიმართვას აქვეყნებენ. განცხადების ავტორები გმობენ "ხელისუფლების მიერ პოლიტიკურ დევნას" პოლიტიკური ოპონენტებისა თუ სამოქალაქო საზოგადოების წარმომადგენელთა მიმართ.

სამედიცინო სფეროს წარმომადგენლები ქვეყანაში განვითარებულ მოვლენებს, ნიკა მელიასა და სამოქალაქო აქტივისტების დაკავებას ეხმაურებიან და შეშფოთებას გამოთქვამენ.

სამედიცინო სფეროს წარმომადგენლები გმობენ „ხელისუფლების მიერ პოლიტიკურ დევნას” პოლიტიკური ოპონენტებისა თუ სამოქალაქო საზოგადოების წარმომადგენელთა მიმართ.

“აგრესიული პოლიტიკა, არსებითად აზიანებს სახელმწიფოს ინტერესებს და ჩვენი ქვეყნის დემოკრატიულ განვითარებას. შექმნილი პოლიტიკური კრიზისის განმუხტვის ნაცვლად, ხელისუფლების შეუზღუდავმა მოქმედებებმა, საზოგადოების განსხვავებული ჯგუფების პროტესტი გამოიწვია. დღეს, ყველანი გავერთიანდით სამართლებრივი სახელმწიფოს იდეის დაცვის გარშემო.

ამგვარი პოლიტიკის გატარება, ხელს არ უწყობს ქართველი ხალხის მიერ კონსტიტუციით გაცხადებული ფასეულობების დამკვიდრებას და გარდაუვლად ზრდის დასავლური პარტნიორების სკეპტიციზმს. ამას ცხადყოფს დასავლელი მეგობრების დღევანდელი გამოხმაურებები. ამგვარი პოლიტიკის გაგრძელება, შეასუსტებს მსოფლიოს თანამეგობრობის მხარდაჭერას.

გვსურს, ხელისუფლებას მოვუწოდოთ:

უარი თქვას ქვეყნის დემოკრატული განვითარების შეფერხებაზე;

დაუყოვნებლივ შეწყვიტოს რეპრესიული ინსტრუმენტების გამოყენება და გაათავისუფლოს პოლიტიკური პატიმრები;- წერია განცხადებაში, რომელსაც ხელ 150-მდე მედიკოსი აწერს ხელს.