"არასდროს მიმიცია პირობა, რომ კონკრეტულ რიცხვში დავბრუნდებოდი, მაგრამ თუ საჭირო გახდება მასაც გავაკეთებ"

"არასდროს მიმიცია პირობა, რომ კონკრეტულ რიცხვში დავბრუნდებოდი, მაგრამ თუ საჭირო გახდება მასაც გავაკეთებ" - სააკაშვილი

პოლიტიკა - 11:35, 26 Feb, 2021

1288

საქართველოს მესამე პრეზინდენტი, მიხეილ სააკაშვილი აცხადებს, რომ არასდროს დაუსახელებია მისი ჩამოსვლის კონკრეტული თარიღი, თუმცა, მისივე თქმით, თუ საჭირო გახდა დაასახელებს.
სააკაშვილის განმარტებით, მას არ სურდა ოპოხიციური პარტიებისთვის ხელი შეეშალა, რადგან , როგორც თავად ამბობს რომელიღაც ოპოზიციურ პარტიას არ მოსწონდა, რომ ის იყო ყველაზე პოპულარული.
"მართალია, რომ საქართველოში მე მაქვს აბსოლუტური მხარდაჭერა. გამოკითხვების მიხედვით, 60-დან 70%-მდე საქართველო მოქალაქეებს სურთ, რომ მე დავბრუნდე. ამასთანავე, ნიკა მელიას აქვს ძალიან ფართო და დიდი მხარდაჭერა. ჩვენ ის პარტიის თავმჯდომარედ ავირჩიეთ ელექტრონული ხმის მიცემის პრინციპით და პირველი პარტია გავხდით რეგიონში, ვინც პარტიული არჩევნები ელექტრონული ხმის მიცემის პრინციპით ჩაატარა, ამან ძალიან კარგად იმუშავა. მე არასდროს არ მიმიცია პირობა, რომ კონკრეტულ რიცხვში დავბრუნდებოდი, მაგრამ თუ საჭირო გახდება მსგავსი პირობის მიცემა, ამასაც გავაკეთებ. მე ყოველთვის ვასრულებ ჩემს პირობას. ყოველთვის მზად ვიყავი დახმარებისთვის, ამავდროულად, არ მინდოდა ხელი შემეშალა ოპოზიციური ერთიანობისთვის, რადგან რომელიღაც ოპოზიციურ პარტიას არ მოსწონდა, რომ მე ვიყავი ყველაზე პოპულარული, ჩვენ კი უმრავლესობა გვჭირდებოდა და არა პირველი ადგილი“, - განუცხადა სააკაშვილმა რუსულ ტელეკომპანიას "დოჟდას".