საპროტესტო აქცია რუსთაველის გამზირზე ამ წუთებში - პარლამენტის შენობასთან "მოძრაობა სირცხვილიას" აქტივისტები შეიკრიბნენ.

აქტივისტების მოთხოვნები უცვლელია, გათავისუფლდეს ნიკა მელია და დაინიშნოს ვადამდელი არჩევნები.

"რუსთაველის გამზირზე ახლა ისე, როგორც არასდროს საჭიროა ქუდზე კაცი გამოვიდეს. კიდევ ერთხელ დავფიქრდეთ, რა გაუკეთებია კარგი რუსეთს ჩვენთვის და რა გაუკეთებია ცუდი. მხოლოდ ამის შემდეგ გადავწყვიტოთ გვინდა თუ არა ჩრდილოეთში და სიბნელეში დაბრუნება, თუ გვინდა დაბრუნმება ევროპულ ორბიტაში, სადაც რეალურად გველოდებიან ჩვენი ოჯახის წევრები," - აცხადებს სამოქალაქო აქტივისტი გიგა მაქარაშვილი.

აქციის მონაწილეებს ადგილზე მოტანილი აქვს პლაკეტები წარწერით: "დროა დასრულდეს რუსული ოცნება" , "ხელისფლება ,რომელიც არ უსმენს ხალხ კარგავს ყველაფერს".

პარლამენტის წინ არსებულ კარვებს, დღეს კიდევ ერთი კარავი დაემატა.