"ნიკა მელია გადაწყვეტილებას არ შეცვლის"- ასეთი ერთიანი ნაციონალური მოძრაობის პასუხი საქღთველოს პროკურატურის განცხადებაზე, სადაც აღნიშნულია, რომ პროკურატურა მელიასგან გათავისუფლების სანაცვლოდ, კვლავ გირაოს გადახდას ითხოვს

"ეს იყო სრულიად აბსურდული, შეშინეჰული პროკურატურის განცხადება. დადასტურდა, რომ პროკურატურა, როგორც ინსტიტუცია არ არსებობს, ისევე როგორც სასამართლო.

ნიკა მელიამ გავრილოვისთვის გირაოს გადახდაზე უარი განაცხადა, რადგან ეს იმ იდეას ეწინააღმდეგება, რისთვისაც ის იბრძვის, თავისუფლების იდეას. ნიკას გადაწყვეტილება რჩება იგივე. ნიკა მხნედაა, შემართებით და არ გახდება ივანიშვილია უსამართლო თამაშის მონაწილე"- განაცხადა ხატია დეკანოიძემ.

"პროკურატურის ამ განცხადებით, კიდევ ერთხელ დადასტურდა, რომ საქმე პოლიტიკურია" - ასე აფასებს ერთიანი ნაციონალური მოძრაობის წარმომადგენელი ნუგზარ წიკლაური პროკურატურის განცხადებას.

"საქმე პოლიტიკურია და კიდევ ერთხელ დადასტურდა პროკურატურის ამ განცხადებით.

უკანონო გირაოს არგადახდა იყო და არის პროტესტის ფორმა პოლიტიკური მართლმსაჯულების წინააღმდეგ. საქმე არის პოლიტიკური შინაარსის და გადაწყდება მხოლოდ პოლიტიკური გადაწყვეტილების შემდეგ.

პოლიტიკური პატიმრების გათავისუფლება, მოლაპარაკების მაგიდასთან დაბრუნება და ახალი არჩევნები არის ერთადერთი, რასაც კრიზისის განმუხტვა შეუძლია. "