"შეძრწუნებული ვარ" , - ასე ეხმაურება ეპისკოპოსი მელქისედეკ ხაჩიძე "ფორმულას" ტელეწამყვან, ვახო სანაიაზე , თავდასხმას.

მისივე თქმით, მსგავსი შემთხვევების უმკაცრესი დაგმობა აუცილებელია.

"შეძრწუნებული ვარ ჟურნალისტ ვახო სანაიაზე მომხდარი თავდასხმის გამო. ღამით, მოყინულ გზაზე, ოჯახთან ერთად გაჭირვებაში მყოფ კაცზე ჯგუფური თავდასხმა და შეურაცხყოფის მიყენება ძალიან მძიმე დანაშაულია.

საჭიროა ასეთი შემთხვევების უმკაცრესი დაგმობა, რათა არცერთ შემთხვევაში არ იყოს ძალადობა მხარდაჭერილი და წახალისებული. სოლიდარობას ვუცხადებ ვახო სანაიას, ვუსურვებ წარმატებებს პირად და პროფესიულ საქმიანობაში. ვლოცულობ, რომ უფალმა მას და მის ოჯახს მშვიდობა და კეთილდღეობა მიმადლოს", - წერს მელქისედეკ ხაჩიძე.

ცნობისთვუს, დღეს, 25 თებერვალს, ვაჟა გიგაურთან ერთად, ვახო სანაიას თავს დაესხნენ გიორგი სახელაშვილი და სულიკო საყევარაშვილი.