ამერიკის კონგრესის წევრები საქართველოში მიმდინარე პოლიტიკურ მოვლენებთან დაკავშირებით განცხადებას ავრცელებენ. კონგრესმენები გრეგორი მიქსი, მაიკლ მაკკოლი, ჯერი კონოლი და ადამ კიზინგერი აღნიშნავენ ერთობლივ მიმართვაში აღნიშნავენ, რომ ქართველი ხალხის მიერ წლების განმავლობაში ნაშენებ დემოკრატიას საფრთხე ემუქრება:

"როგორც საქართველოს მეგობრები, რომლებიც დიდი ხანია მხარს უჭერენ საქართველოს დემოკრატიისადმი ერთგულებას, თბილისში მომხდარი მოვლენები დამთრგუნველი სანახავი იყო. ქართველი ხალხის მიერ წლების განმავლობაში გაწეული მძიმე შრომა, უფრო ძლიერი და წარმატებული დემოკრატიის ასაშენებლად გადამეტებული და ძალისა და არადემოკრატიული ქმედებების გამო სერიოზული საფრთხის ქვეშაა.

პოლიტიკური უთანხმოების მშვიდობიანი გზით მოგვარების მიზნით, ჩვენ მოვუწოდებთ "ქართული ოცნების" ლიდერებს სიტუაციის დეესკალაციისკენ და ნაციონალურ მოძრაობასთან და სხვა ოპოზიციურ პარტიებთან ერთად მუშაობის დაწყებისკენ, რათა ჯანმრთელი დემოკრატიული მომავლისკენ სწრაფვა დაიწყოს.

ჩვენ ვშიშობთ, რომ უმცირესობათა პარტიებთან მუშაობის შეფერხება ხელს შეუშლის საქართველოს მიერ მიღწეულ პროგრესს ევროკავშირთან და ნატოსთან უფრო მჭიდრო ურთიერთობების დამყარების საქმეში", - ნათქვამია განცხადებაში.