ავტორიტეტული გამოცემა "Washington Post " საქართველოში მიმდინარე უმწვავეს პოლიტიკურ კრიზისს და "ენმ"-ს თავდმჯომარის, ნიკა მელიას , დაპატიმრების გარშემო განვითარებულ მოვლენებს ეხმაურება და წერს, რომ ვითარების ესკალაციამ, შესაძლოა, რუსეთის სასარგებლოდ იმუშაოს.

განცხადების თანახმად, ამ პროცების გამო საქართველო ,შესაძლოა, ძლიერ დასავლელ მოკავშირეებს დააშოროს.

"საქართველო, ქვეყანა 3.7 მილიონი მოსახლით, რომელიც შავ ზღვას ესაზღვრება, უფრო დემოკრატიულად მიიჩნეოდა ვიდრე დანარჩენი ორი [ყაზახეთი, ბელარუსი], ნატოში გაწევრიანების ამბიციით. თუმცა სამშაბათს სიტუაციის ესკალაციამ შესაძლოა, საბოლოოდ, მოსკოვის სასარგებლოდ იმოქმედოს თბილისი კი ძლიერ დასავლელ მოკავშირეებს დააშოროს.

ბოლო წლებში ამერიკელი კანონმდებლები საქართველოს ლიდერებთან გაგზავნილ წერილებში გამოთქვამდნენ წუხილს, რომ ქართული ოცნების მოქმედებები "უკანსვლის" მაჩვენებელი იყო", - ვკითხულობთ გამოცემის სტატიაში, რომელშიც ბოლო დროის პოლიტიკური მოვლენებია მიმოხილული.

შეგახსენებთ, რომ ნაციონალური მოძრაობის თავმჯდომარე ნიკა მელია სამართალდამცველებმა ენმ-ის ოფისში ძალადობრივი შეჭრის შემდეგ 23 თებერვალს დააკავეს - მელიას დაკავებას დასავლელი დიპლომატების, საქართველოში არსებული საელჩოებისა და საერთაშორისო პარტნიორების მკაცრი და კრიტიკული რეაქცია მოჰყვა.