"ევროპული საქართველოს" ერთ-ერთი ლიდერი, დავით ბაქრაძე, დიპლომატიურ კორპუსთან შეხვედრის დაწყებამდე აცხადებს, რომ იმედი აქვს პარტნიორებთან ერთად მოახერხებენ "ოცნების" სიჯიუტის და მათი მანიაკალური სახელისუფლებო ამბიციების მოთოკვას.

ბაქრაძის შეფასებით, "ოცნებამ" დღეს საქართველოში შეიქმნა საფრთხე, რომ ჩვენ აღარ ვიქნებით დასავლეთის პარტნიორები.

"ჩვენ ყველას, ოპოზიციასაც და ელჩებსაც გვაწუხებს საერთო პრობლემა, როგორ დავშორდეთ დაპირისპირების იმ უფსკრულს, რომლის წინაშეც ყველა დაგვაყენა „ქართულმა ოცნებამ“ და როგორ მოვიქცეთ ისე, რომ ამ ქვეყნის ევროპულ და დასავლურ მომავალს საფრთხე არ შეექმნას დღევანდელი ხელისუფლების სკამების ჩაბღაუჭების და სახელისუფლებო ამბიციების გამო. ამიტომ ვართ მოსული, ეს გვაწუხებს და მოსული ვართ იმიტომ, რომ მოვძებნოთ გამოსავალი იმ პოლიტიკური ჩიხიდან, რომელშიც ყველა ერთად შეგვიყვანა „ქართულმა ოცნებამ“, მოვძებნოთ გამოსავალი, რომელიც ამ ქვეყანს ააშორებს დაპირისპირებას, ააშორებს დასავლური მომავლის დაკარგვას, რომ საქართველო კვლავ დარჩეს ღირებულ პარტნიორად შეერთებული შტატების და ევროკავშირისთვის, რასაც ძალიან დიდ საფრთხეს უქმნის დღევანდელი ხელისუფლების ნაბიჯები. დიახ, დღეს საქართველო საკუთარმა ხელისუფლებამ მიიყვანა დაპირისპირების უფსკრულის პირას“.

დიახ, დღეს საქართველოში შეიქმნა საფრთხე, რომ ჩვენ აღარ ვიქნებით დასავლეთის პარტნიორები. ამის თავიდან აცილება, დეესკალაცია და პოლიტიკური ჩიხიდან გამოყვანა არის ჩვენი მთავარი ამოცანა. ამიტომ ვარ დღეს აქ. წინასწარ ვერაფერს გეტყვით, მაგრამ იმედი მაქვს, ჩვენს პარტნიორებთან ერთად მოვახერხებთ „ქართული ოცნების“ სიჯიუტის, მათი მანიაკალური სახელისუფლებო ამბიციების მოთოკვას“, - განაცხადა ბაქრაძემ.