"მოქალაქეების" ერთ-ერთი ლიდერი ლევან იოსელიანი ნიკა მელიას დაკავების ფაქტს ეხმაურება და აცხადებს, რომ საქმე პოლიტიკურად მოტივირებულია, ნორმალურ ქვეყანაში კი ოპოზიციურ ლიდერებს არ იჭერენ. იოსელიანის თქმით, გამოსავალი დიალოგია:

"ოპოზიციურ ლიდერებს არც ერთ ნორმალურ ქვეყანაში არ იჭერენ. ეს არის სამწუხარო ამბავი. დღეს ერთადერთი გამოსავალი დიალოგია.

ანალოგიურ საქმეზე, რაზეც ნიკა მელიაა დაკავებული, იყო დაკავებული ბესიკ თამლიანი, რომელსაც მე ვიცავდი. ვიცი, ამ საქმეში რა სტანდარტის მტკიცებულებები დევს. ვიცი, რომ ეს საქმე 20 ივნისის სხვა მონაწილეების საქმეების მსგავსად ვერავითარ სტანდარტს ვერ აკმაყოფილებს და არის პოლიტიკურად მოტივირებული",- აცხადებს იოსელიანი.