"პროკურატურამ ვერ დაასაბუთა რა აუცილებლობა იყო მელია იჯდეს ციხეში"

"პროკურატურამ ვერ დაასაბუთა რა აუცილებლობა იყო მელია იჯდეს ციხეში" - ნინო ლომჯარია

პოლიტიკა - 14:48, 23 Feb, 2021

921

სახალხო დამცველი, ნინო ლომჯარია "ნაციონალური მოძრაობის" ოფისში იმყოფება. მისი თქმით, განცხადებით პროკურატურამ ვერ დაასაბუთა ნიკა მელიას დაჭერის აუცილებლობა.

ომბუდსმენი აცხადებს, რომ მხოლოდ 20 ივნისის აქციის მონაწილეების მიმართ ხელისუფლების აქტიურობა აჩენს შერჩევითი მართლმსაჯულების ნიშნებს.

"იმ ვითარებაში, როდესაც 20 ივნისის გამო არ არის დასჯილი არცერთი პირი, ვინც იყო პასუხისმგებელი იმაზე, რომ არ მომხდარიყო ძალის გადამეტება, მშვიდობიანი პროტესტანტების მიმართ. ძალიან ცოტა ადამიანი სცნეს დაზარაელებულად და გამოძიება არის შეჩერებული ბოლო ერთი წლის განმავლობაში. მხოლოდ აქციის მონაწილების მიმართ ხელისუფლების ასეთი აქტიურობა აჩენს შერჩევითი მართლმსაჯულების ნიშნებს.

მითუმეტეს, როდესაც ასეთი პოლიტიკური კრიზისია ქვეყანაში და ვფიქრობ, რომ ნიკა მელიას აღკვეთი ღონისძიება არ იყო სათანადოდ დასაბუთებული. პროკურატურამ ვერ დაასაბუთა რა აუცილებლობა იყო იმისთვის, რომ ოპოზიციური პარტიის ლიდერი დღეს იჯდეს ციხეში და რაში შეუშლიდა ხელს ხელისუფლებას ის, რომ ნიკა მელია დღეს ყოფილიყო თავისუფალი. ეს ვერ დავინახე პროკურატურის არგუმენტებში", - განაცხადა ლოჯარიამ.

მისივე განცხადებით, მისმა წარმომადეგენელმა საპატიმროში მელია უკვე მოინახულა. მისი განცხადებით, ნიკა მელიას ჯანმრთელობის მდგომარეობა დამაკმაყოფილებელია და მას მოპყრობასთან დაკავშირებით პრეტენზიები არ აქვს.

"ნიკა მელია უკვე მოინახულა ჩემმა წარმოამადგენელმა და მეც ვაპირებ, რომ მოვინახულო. ცოტა ხნის წინ მაცნობეს, რომ მისი ჯანმრთელობის მდგომარეობა დამაკმაყოფილებელია. მას არ აქვს ამ წუთის მდგომარეობით, პრეტენზიები მოპყრობასთან დაკავშირებით, თუმცა მეც შევხვდები და გავესაუბრები",-თქვა ნინო ლომჯარიამ.