"ძალიან მტკიცედ, შეუპოვრად ვიწყებთ ძალიან დიდ ეროვნულ-გამათავისუფლებელ მოძრაობას, ბოლშევიკური რეჟიმისგან" - ამის შესახებ ერთიანი ნაციონალური მოძრაობის ერთერთმა ლიდერმა, ხატია დეკანოიძემ განაცხადა და ქართული ოცნების ხელისუფლებას "როდიონოვების რეჟიმი" უწოდა.

იგი ამბობს, რომ საერთაშორისო საზოადოების მხრიდან ძალიან მძიმე განცხადებები კეთდება.

" ვისაც აინტერესებს საერთაშორისო საზოგადოების მხრიდან შეუძლია გადახედონ ტვიტერს, ძალიან მძიმე განცხადებებია, მათ შორის ძალიან ტრაგიკული განცხადებები კეთდება, რომ საქართველომ გადაუხვია ევროატლანტიკური კურსიდან, ჩენ არ დავუშვებთ იმას, რომ ამ ქვეყნის მომავალს საფრთხე არ დაემუქროს... ჩვენ, აქ მყოფი ადამიანები ვიბრძვით თავისუფლებისთვის და დარწმუნებული ვარ, ძალიან ბევრი ადამიანი შემოგვიერთდება სამ საათზე კანცელარიასთან და პირობას ვაძლევ ყველა რეგვენს, ვინც პარლამენტის ტრიბუნიდან ზიზღის ენას აფრქვევდა პოლიტიკური ოპონენტების წინააღმდეგ, არ მოხდება ისე, რომ საქართველოს თავისუფლებას საფრთხე დაემუქროს, არ მოხდება ისე, რომ საქართველოს ევროატლანტიკურ სტრუქტურებში გაწევრიანებას საფრთხე დაემუქროს, ამის პირობას გაძლევთ ყველა ის ადამიანი, ვინც დღეს ვიყავით ზუსტად ამ თავისუფლების ფრონტზე" - თქვა დეკანოიძემ.