"ისინი მოვლენ ნიღბებით, გაზით, ხელკეტებით... გეხვეწებით, მხოლოდ ტაში და სიმღერა დავუპირისპიროთ"

"ისინი მოვლენ ნიღბებით, გაზით, ხელკეტებით... გეხვეწებით, მხოლოდ ტაში და სიმღერა დავუპირისპიროთ" - ნიკა მელიას ემოციური მიმართვა

პოლიტიკა - 00:32, 23 Feb, 2021

1166

ენმ-ს თავმჯდომარემ, ნიკა მელიამ პარტიის ოფისში შეკრებილ მხარდამჭერებს მიმართა. მან შეკრებილებს მოუწოდა, ძალადობას დაუპირისპირონ მხოლოდ ტაში და სიმღერა.

მელია ამბობს, რომ "რეჟიმის წარმომადგენლები" იქ აუცილებლად მივლენ და ეს დროის საკითხია:

ენმ-ს თავმჯდომარემ, ნიკა მელიამ პარტიის ოფისში შეკრებილ მხარდამჭერებს მიმართა.

"ჩვენ გვიპირისპირდება რეჟიმი, არანაირი ხელისუფლება, ეს არის რეჟიმი, რომელიც დგას მხოლოდდამხოლოდ ძალმომრეობაზე. მინდა გთხოვოთ, ესენი მოვლენ, დღეს იქნება თუ ხვალ მოვლენ. აქ მოვლენ ტავისუფლებამოყვარულ ხალხთან მოვლენ მონები, ნიღბებით, ცრემლსადენი გაზით, ხელკეტებით...მე მინდა გთხოვოთ, მათი გამოჩენისთანავე მათ დავუპირისპიროთ ბევრი ტაში, სიმღერა, ოვაცია და აი, ასე მთელ მსოფლიოს დავანახოთ, რომ ერთ მხარეს დგას თავისუფალი ქვეყნის თავისუფლებამოყვარული ქართველი ხალხი და მეორე მხარეს დგას ივანიშვილი და ღარიბაშვილი, რომელიც მიყურებს, შე მონა მართლა ღარიბაშვილო, შე კლასიკურო ონა, გავრილოვის წარმომადგენელო... მე მახსოვს 9 აპრილი, როცა ცხრემლსადენ გაზს უშვებდნენ, ჰქონდათ ხელკეტები, ახალგაზრდებს თავებს უჩეხავდნენ, ახალგაზრდები კი მღეროდნენ, ცეკვავდნენ. ასე ჩვენ დავამარცხებთ მორჩილებას, ვიზეიმებთ გამარჯვებას. ასე გამოვლინდება პროვოკატორებიც. როცა 99,9% აქ მყოფი ადამიანებისა იცეკვებს, იმღერებს და ტაშს დაუკრავს და ვიღაცა შეეცდება სხვა ქმედებებით გამოიჩინოს თავი, ნათელი იქნება საზოგადოებისთვის, რომ ის პროვოკატორია.მათ ჭკუითაც უნდა ვაჯობოთ. სიმართლე ჩვენს მხარესაა...ღარიბაშვილო, შენ დღეს რაც ისაუბრე, როგორ არ გიწოდი ის რაც ხარ. შენ ხარ მონა ოლიგარქის, გავრილოვის მონა და ჩვენ დაგამარცხებთ. მოეთრეი აქ? მოხვალ აქ? სანდრო მელიას, ჩემი ბავშვის და თქვენი ბავშვების თავი მინდა დავიფიცო, გთხოვთ, მათ ბევრი ტაში, ბევრი სიმღერა და ბევრი სიმართლე დავუპირისპიროთ" - თქვა ნიკა მელიამ.