დეკანოიძე: ჩვენი ინფორმაციით, ხელისუფლება გეგმავს ენმ-ის ოფისში პროვოკაციას

პოლიტიკა - 21:55, 22 Feb, 2021

1322

მზადება შტურმისთვის - ერთიან ნაციონალურ მოძრაობაში ხელისუფლების გეგმები გაშიფრეს.

ენმ-ს ინფორმაციით, "ქართული ოცნების" მიერ პარტიის ოფისში პროვოკაცია იგეგმება.

"ძალიან დიდი მადლობა იმ ყურადღებისთვის რომელიც აქვს საზოგადოებას მოპყრობილი ჩვენსკენ. ჩვენი ინფორმაციით, ხელისუფლება გეგმავს ერთიანი ნაციონალური მოძრაობის ოფისში პროვოკაციას, იმისთვის, რომ ძალიან კარგად იციან, რომ დღეს ჩვენს ხელთ არის უდიდესი მორალური უპირატესობა, რომელიც არის ზუსტად იმიტომ, რომ ჩვენ ვართ სიმართლის მხარეს.

პროვოკაცია, რომელიც ჯერ ჩვენ კიდევ ვიხილეთ რამდენიმე დღის წინ, როდესაც მაგალითად პოლიციის თანამშრომლები მოვიდნენ და ზუსტად ორი სამი ადამიანი ჩაერთო მთელ პროვოკაციულ ამბავში და უცხო ადამიანები იყვნენ შემოგზავნილები მსგავსი პროვოკაციის მოწყობა სურს ხელისუფლებას, ძალიან მარტივია პროვოკაციის მოწყობა შემოაგზავნონ ვინმე ატეხონ ერთი ამბავი, ფიზიკური შეურაწყოფა მიაყენონ მაგალითან რომელიმე პოლიციელს, ამიტომ მე ვაფრთხოლებ ხელისუფლებას, ვაფრთხოლებ ძალიან მკაცრად, ძალიან კატეგორიულად, რომ შეეშვას ყოველგვარი პროვოკაციის მოწყობას, იმიტომ რომ ჩვენთან ამ უამრავ ადამიანთან, უამრავ მხარდამჭერთან, სამოქალაქო აქტივისტებთან, ძალიან ბევრ პოლიტიკურ ლიდერთან დღეს, რომლებიც არიან ერთიანი ნაციონალური მოძრაობის ოფისში არავითარი პროვოკაცია არ გაჭრის, ვინაიდან ჩვენ ვართ სიმართლის მხარეს და ეს სიმართლე ემსახურება იმას რომ ჩვენ ყველას გვსურს ამ ქვეყნის მომავალი, ჩვენ ყველას გვსურს ის, რომ განიმუხტოს პოლიტიკური კრიზისი და ჩვენ დღეს ვინც ვართ აქ ვართ მხოლოდ და მხოლოდ იმისთვის, რომ ვიბრძვით თავისუფლებისთვის, შიშველი ხელებით, მტკიცედ, მშვიდად, კაცები, დედები, მამები, ძმები, დები და ძალიან ბევრი სხვა ადამიანი.

ამიტომ ხელისუფლებას მოვუწოდებ, თავი შეიკავოს ყოველგვარი პროვოკაციისგან, თავი შეიკავოს ყოველგვარი ძალადობისგან, მოვუწოდებ პოლიციელებს კარგად დაფიქრდნენ ვიდრე შეასრულებენ უკანონო დავალებებს, მოვუწოდებ ყველა იმ ადამიანს, ვისაც სურს საქართველოს მომავლის ჩვენი შვილებისთვის ძალიან ნათელი მომავალი, რომ ეს ქვეყანა არ არის მარტო ღარიბაშვილის, ეს ქვეყანა არ არის ქართული ოცნების მხოლოდ, ეს ქვეყანა არის ჩვენი ყველასი ერთად და ეს ადამიანები ვინც ვართ აქ, გავაკეთებთ ყველაფერს, რომ ეს იყოს სიმშვიდით, ეს იყოს სიმართლით, ეს იყოს სიმტკიცით, არავითარი პროვოკაცია ბატონებო ჩვენსკენ არ გაჭრის, არავითარი ძალადობა ჩვენთან არ გაჭრის, ჩვენ ვართ, მხოლოდ და მხოლოდ სიმართლით აღჭურვილი ადამიანები, ვისაც ყოველთვის ენდომება ამ ქვეყნის თავისუფლება, ამიტომ კიდევ ერთხელ მინდა მოვუწოდო ყველას, მათ შორის იმ ადამიანებს, ვინც გეგმავს ძალადობას, პროვოკაციას ნებისმიერ შემთხვევაში, ეს იქნება გამოაშკარავებული და ნებისმიერ შემთხვევაში ჩვენ ამას საზოგადოებისთვის გავხდით საჯაროდ და აშკარას."- განაცხადა ხატია დეკანოიძემ.