"მეორედ მოსვლა" - ამ სახელწოდებით მოძრაობა "სირცხვილიამ" აქცია დააანონსა, რომელიც ხვალ პარლამენტის წინ ღარიბაშვილის მთავრობის დამტკიცების პარალელურად გაიმართება.

სოციალური ქსელით დაანონსებულ აქციაში წერია, რომ ეს ღარიბაშვილის ბოლოჯერ მოსვლაა:

"ერთად შევეგებოთ ჰაკიმ ფაშას მეორედ და ბოლოჯერ მოსვლას, მეგობრებო", - ნათქვამია ინფორმაციაში.

შეგახსენებთ, რომ ღარიბაშვილი მას შემდეგ დასახელდა პრემიერობის კანდიდატად, რაც გიორგი გახარიამ თანამდებობა დატოვა. დღეს კი მთელი დღის განმავლობაში ღარიბაშვილის მომავალი გუნდის წევრებს კომიტეტების გაერთიანებულ სხდომაზე უსმენდნენ. ოცნების მხრიდან პრემიერობის კანდიდატად ღარიბაშვილის წარდგენამ საზოგადოებაში ნეგატიური განწყობა გამოიწვია.