ენმ-ს წევრი ხატია დეკანოიძე პრემიერობის კანდიდატის ირაკლი ღარიბაშვილის განცხადებას გამოეხმაურა და აღნიშნა, რომ ის ზიზღის ენას ავრცელებს და ამით პოლარიზაციას უწყობს ხელს.

დეკანოიძის შეფასებით, ღარიბაშვილი ხელისუფლების პოზიციას გამოხატავს:

"მაშინ, როდესაც სრულიად ოპოზიციური სპექტრი, მიუხედავად ამ მძიმე მოვლენებისა და პოლიტიკური კრიზისისა, მოვუწოდებთ ხელისუფლებას, რომ დავსხდეთ დიალოგის მაგიდასთან ჩვენს საერთაშორისო პარტნიორებთან ერთად, ირაკლი ღარიბაშვილის განცხადებები მხოლოდ ადასტურებს, რამდენად სურს ხელისუფლებას პოლარიზაცია, მათ შორის როგორ ავრცელებს იგი ზიზღის ენას.

ჩვენ მოვუწოდებთ ხელისუფლება დიალოგისკენ და მოვუწოდებთ ხელისუფლებას ჩვენ საერთაშორისო პარტნიორებთან ერთად შეასრულონ ის დაკისრებული ვალდებულებები, რომელიც იყო ჯერ კიდევ 8 მარტის შეთანხმებისას დადებული"- განაცხადა დეკანოიძემ.