"მოქალაქეების" ლიდერის ალეკო ელისაშვილის განცხადებით, ოპოზიციის ყველაზე მოძულე ადამიანის პრემიერობის კანდიდატად დასახელება არსებულ ვითარებას კიდევ უფრო გაამწვავებს. როგორც ელისაშვილმა აღნიშნა, ღარიბაშვილის კანდიდატურას მხარს არ დაუჭერს:

"ძალიან ფეთქებადსაშიში ვითარებაა ქვეყანაში. ქვეყანა გაგლეჯილია ორად, ორ დაპირისპირებულ ბანაკად არის გადალაგებული და პირდაპირ საფრთხეა სამოქალაქო დაპირისპირების. ამ ვითარებაში ერთ-ერთი ყველაზე რადიკალური, ოპოზიციის მოძულე და კონფტრონტაციული ადამიანის წარდგენა პრემიერ-მინისტრად ვითარებას ძალიან დაამძიმებს და გაართულებს. ჩვენ გვჭირდება პრემიერ - მინისტრად ადამიანი, ვინც ოპოზიციასთან დაჯდება, დაილაპარაკებს და კომპრომისს მივაღწევთ. ღარიბაშვილის რიტორიკიდან გამომდინარე რთულად წარმომიდგენია, რომ შეძლებს ოპოზიციასთან დალაპარაკებას და მოლაპარაკების გზით ვითარების განმუხტვას", - განაცხადა ელისაშვილმა.