ევროკავშირის ელჩმა კარლ ჰარცელმა საქართველოს ქვეყნის კონსტიტუციის 100 წლის იუბილე მიულოცა და აღნიშნა, რომ მისთვის, როგორც რიგითი ევროპელისთვის, აღფრთოვანებას იწვევს საუკუნის წინანდელი დაწერილი კონსტიტუცია, რომელიც ცხადყოფს, რომ საქართველო ევროპის ნაწილია.

მან ასევე კომენტარი გააკეთა ქვეყანაში მიმდინარე მწვავე პოლიტიკურ მოვლენებზე და განაცხადა, რომ აქტიურად მუშაობს იმისთვის, რათა მხარეები მოპალარაკების მაგიდას დაუბრუნდნენ:

"ორივე მხარემ უნდა გამოიჩინოს პასუხისმგებლობა და ლიდერობა, რათა სიტუაცია დასტაბილურდეს და სწორ კალაპოტში დაბრუნდეს. მე და ჩემი კოლეგები ვმუშაობთ იმაზე, რომ მხარეები მოლაპარაკების მაგიდას დაუბრუნდნენ", - განაცხადა კარლ ჰარცელმა.