პარლამენტის იურიდიულ საკითხთა კომიტეტის თავმჯდომარის ანრი ოხანაშვილის განცხადებით, მმართველ გუნდს მოლაპარაკების კარი არასდროს დაუხურავს და დემოკრატიული პროცესის ერთგულია. როგორც ოხანაშვილმა განმარტა, მოლაპარაკებებს შედეგი ექნება, თუ რადიკალური ჯგუფები პოზიციას შეცვლიან, ამ მოლაპარაკებას შედეგი ექნება:

"მოლაპარაკებებთან დაკავშირებით გაჟღერებულია ჩვენი პოზიცია, ჩვენ კარი არასდროს დაგვიხურავს, ჩვენ ყოველთვის ვიყავით და დღესაც ვრჩებით ერთგული იმის, რომ პროცესები უნდა წარიმართებოდეს დემოკრატიულ ჩარჩოებში, სწორედ მოლაპარაკებების გზით და თუკი ვინმეს არ სურდა ეს მოლაპარაკებები, სამწუხაროდ ესენი იყვნენ რადიკალური ჯგუფები. ჩვენი მხრიდან არაფერი შეცვლილა, ჩვენი მხრიდან, რაც იყო დღის წესრიგი, რომ დემოკრატიულ ფარგლებში უნდა ვაწარმოოთ მოლაპარაკებები, ეს ძალაშია ისევ, ამიტომ უნდა დაველოდოთ შემდგომ პოზიციებს ოპოზიციური ჯგუფების მხრიდან, შეიცვალეს თუ არა დამოკიდებულება, რომ ნაცვლად რადიკალიზმისა, აირჩიონ დემოკრატიული გზა, ამიტომ ეს მათზეა დამოკიდებული", - განაცხადა ოხანაშვილმა.