ქართული ოცნების დეპუტატი ნიკა მელიას საქმეზე საერთაშორისო პარტნიორების კრიტიკას პასუხობს და კითხვით მიმართავს მათ:

"ყველა საერთაშორისო პარტნიორს ვთხოვ, ჯერ კითხვა დაუსვას, ელჩებსაც მივმართავ და ყველა იმ საერთაშორისო პარტნიორს, თუ ჩვენს მეგობარს. ჩვენ მაქსიმალურად ვითვალისწინებთ, თუმცა თუ კითხვაზე გაგვცემენ პასუხს, მაშინ, როდესაც თავიანთ სახელმწიფოებში იქნება რევოლუციური შეტევა, რომ ჩამოშალონ სახელმწიფო ინსტიტუციები, როგორც მოიქცევიან და მაშინ, როდესაც მათი ქვეყნის სასამართლოები მიიღებენ გადაწყვეტილებას, რომ ეს არის დანაშაული, აი, მერე მაინტერესებს მათი პასუხი, როგორი იქნება.

ვინმემ რომ თქვას, ეს რაღაცა შეთითხნილია, აგერ ბატონო პირდაპირი ეთერი, თარჯიმანის პრობლემა აქვთ? ან მოვიდნენ ჩვენ ვუთარგმნით, ან თვითონაც არ აქვთ პრობლემა. თარგმნონ ის მოწოდებები რა იყო და სწორედ ამ უპასუხისმგებლო დამოკიდებულის გამო მოხდა ის, რაც მოხდა"- განაცხადა ზარქუამ.