საქართველოს აქვს 2 გზა - წავიდეს ან ბელარუსის, ან ლიეტუვის გზით, ლიეტუვის გზა კი ნატოსა და ევროკავშირში გაწევრიანების შანსებს ზრდის - განცხადება ლიეტუვის სეიმის საგარეო ურთირეთობათა კომიტეტის თავმჯდომარემ ჟიგიმანტას პავილიონისმა ნაციონალური მოძრაობის ოფისში გააკეთა.

მისი თქმით, როდესაც ისინი ნატოში წევრიანდებოდნენ, ლიეტუვაში მარჯვენა და მარცხენა ფლანგი ერთად მუშაობდა და არავინ დაუპატიმრებიათ.

"თქვენი არჩევანია, გინდათ, რომ იყოთ საუკეთესოები და ლიდერები, თუ გინდათ, იყოთ სხვადასხვა დარტყმების მსხვერპლები საშინაო და საგარეო ფლანგზე.

თქვენ დარჩებით სხვა ძალების წინაშე, რომელიც თქვენ ნაწილებად დაგშლიან. ერთხელ უკვე გადაიტანეთ ომით. მართლა გინდათ შენარჩუნდეს სტატუს კვო, რომელიც არაფერთან მოგცემთ? იმიტომ, რომ ჩვენი გამოცდილებით, ან უერთდები ევროკავშირს და ნატოს, ან კვდები. სხვა ალტერნატივა არ გაქვთ და რადგან არ გაქვთ სხვა ალტერნატივა, გთხოვთ, ილაპარაკეთ ერთმანეთთან და შეწყვიტეთ პოლიტიკური რეპრესიები...

მე შევხვდი ნიკა მელიას და შევხვდები ყველა პოლიტიკურ ლიდერს, მათ შორის მთავრობის წარმომადგენლებს. და ვეტყვი ერთ რამეს. ჩვენ, ლიეტუველები საქართველოს კარგი მეგობრები ვართ, ჩვენ არასდროს მივატოვებთ საქართველოს, მიტ უმეტეს ყველაზე მძიმე საათები. მზად ვართ შევთავაზოთ ჩვენი მედიაციის ძალისხმევა, მაგრამ დიალოგისთვის შენ გჭირდება პარტნიორი. პარტნიორი არ შეიძლება იყოს დაჭერილი", უთხრა მედიას ჟიგიმანტას პავილიონისმა და იქვე დასძინა, რომ საქართველოს აქვს 2 გზა წავიდეს ლიეტუვის ან ბელარუსის გზის.