პარლამენტის შენობის წინ ვითარება კვლავ დაძაბულია. ადგილზე ენმ-ს ერთ-ერთ ლიდერ ლევან ხაბაიშვილსა და ადგილზე მობილიზებულ პოლიციას შორის სიტრყვიერი დაპირისპირება რამდენჯერმე მოხდა.

ის კარვის გაშლას თვითონ შეეცადა, მაგრამ პოლიციამ მისი კარავიც გაიტაცა.

"კარავი რატომ მომპარე? აი, ამან მომპარა კარავი პირადად - რატომ მომპარე კარავი? ქუდი რომ მომპარო, ხომ დამიჭერ?" - მიმართა მან პოლიცეილს, რომელმაც უპასუხა, რომ კარავი არ მოუპარავს: "როგორ გეკადრებათ, არაფერი მომიპარავს, უკან დაიხიეთ": "აბა რა ქენი, იპოვე? "არ მოგიპარავს, გიპოვია?" ქურდი ხარ!" - მიმართა მას ლევან ხაბეიშვილმა, ხოლო სხვა პოლიციელმა, სავარაუდოდ, მაღალჩინოსანმა, მას უპასუხა: "დაგიბრუნდებათ კარავი, ჩამოგერთვათ".

ლევან ხაბეიშვილმა პოლიციელებს მიმართა, რომ მიუთითონ კანონის მუხლი, რომლის თანახმადაც მას კარვის გაშლა ეკრძალება, თუმცა, დასმულ შეკითხვაზე პასუხი ვერ მიიღო.