"ევროპული საქართველოს" ერთ-ერთი ლიდერი გიგა ბოკერია ღარიბაშვილის პრემიერობის კანდიდატად წარდგენაზე საუბრისას ყურადღებას ამახვილებს ინ დარტყმაზე, რომელიც ივანიშვილმა გახარიას გადადგომით მიიღო. მისი თქმით, ოლიგარქს მანევრის საშუალება აქვს შეზღუდული, ამის ფონზე ხელისუფლება ოპოზიციას მოლაპარაკებებს დათანხმდება:

"აქ იმასთან კი არ გვაქვს საქმე, რომ რაღაც განაცხადია ძალის. არა, მანევრის საშუალება აქვს შევიწროებული ივანიშვილს ამ უმძიმესი დარტყმის შემდეგ, რაც მიიღო გახარიას გადადგომით. უმძიმესი დარტყმა მიიღო და ამ ვითარებაში მანევრი აქვს შეზღუდული.

ეს არ ამცირებს საფრთხეებს ქვეყნისთვის, მაგრამ, მე მგონია, და ეს არის ჩვენი ამოცანა, რომ მშვიდობიანი პროტესტის გაგრძელებით და ჩვენი ქვეყნის თავისუფლების მეგობრების მხარდაჭერით, ამ მძიმე პერსონალური არჩევანის ფონზეც კი, მივაღწევთ იმას, რომ ხელისუფლება დათანხმდეს რეალურ მოლაპარაკებებზე და ნაბიჯ-ნაბიჯ წავიდეთ ვადამდელ, ნორმალურ არჩევნებამდე" - განაცხადა ბოკერიამ.