ამერიკის სახელმწიფო დეპარტამენტი საქართველოში მიმდმინარე პოლიტიკური მოვლენების გამო შეშფოთებას გამოთქვამს და მხარეებს ესკალაციის თავიდან არიდებისკენ მოუწოდებს. გავრცელებულ განცხადებაში ნათქვამია, რომ საქართველოს მთავრობამ ევროატკლანტიკური მისწრაფებების შესაბამისად უნდა იმოქმედოს:

"შეერთებული შტატები ღრმად არის შეშფოთებული საქართველოში ბოლოდროინდელი პოლიტიკური მოვლენებით. ჩვენ მოვუწოდებთ ყველა მხარეს, გამოამჟღავნონ თავშეკავება და თავიდან აიცილონ ნებისმიერი ქმედება ან რიტორიკა, რამაც შეიძლება გამოიწვიოს დაძაბულობის ესკალაცია ან ძალადობა.

ჩვენ მოვუწოდებთ საქართველოს მთავრობას, იმოქმედოს ევროატლანტიკური მისწრაფებების შესაბამისად და განამტკიცოს თავისი ერთგულება დემოკრატიის, ინდივიდუალური თავისუფლებისა და კანონის უზენაესობის პრინციპებისადმი, უზრუნველყოს, რომ მისი სასამართლო და საბრალდებო სისტემა არ იყოს პოლიტიკურად მიკერძოებული.

შეერთებული შტატები მხარს უჭერს დემოკრატიულ, უსაფრთხო და წარმატებულ საქართველოს. ჩვენ გავაგრძელებთ თანამშრომლობას საქართველოსთან, ჩვენს სტრატეგიულ პარტნიორთან, კანონის უზენაესობისა და ანგარიშვალდებული ინსტიტუტების ხელშესაწყობად", - წერია განცხადებაში.