ნაციონალური მოძრაობის ლიდერი ნიკა მელიას განცხადებით, პრემიერობის კანდიდატი ირაკლი ღარიბაშვილი ყველაფერს გააკეთებს, რათა ივანიშვილს საკუთარი ძალა და ერთგულება დაუმტკიცოს. მთავარის ეთერში მელიამ თქვა, რომ ღარიბაშვილს დიდი სურვილი ექნება, ის ოთხ კედელს შუა გამოამწყვდიოს, თუმცა ეს არ მოხდება:

"ირაკლი ღარიბაშვილს, რა თქმა უნდა, ექნება უდიდესი სურვილი, რომ რამენაირად, "გავრილოვის საქმის" ფარგლებში, მიხილოს მე ოთკედელშუა, მაგრამ ეს გამორიცხულია. თუმცა ის ამას ეცდება, რათა ივანიშვილს დაუმტკიცოს თავისი ერთგულება, მაგრამ ვერც ივანიშვილი, ვერც ღარიბაშვილი, განსაკუთრებით, "გავრილოვის საქმის" გამო, ვერავის დაადებენ ბორკილებს და მე ვერ ვიქნები გამონაკლისი", - განაცხადა ნიკა მელიამ.