ევროპის სახალხო პარტია (EPP), რომელსაც ევროპარლამენტში ყველაზე დიდი წარმომადგენლობა აქვს, ნიკა მელიას საქმის გარშემო საქართველოში განვითარებულ მოვლენებს ეხმაურება.

"ტვიტერზე" გამოქვეყნებულ განცხადებაში ვკითხულობთ, რომ შექმნილი პოლიტიკური კრიზისიდან გამოსავალი ვადამდელი არჩევნები და ოპოზიციასა და ხელისუფლებას შორის მოლაპარაკებების აღდგენა იქნება.

"სამწუხაროა, რომ საქართველოს ხელისუფლებამ, ნიკა მელიას დაკავების გადაწყვეტილებით, გამოსავლის მოძებნისა და კომპრომისის ნაცვლად პოლიტიკური კრიზისის გაღრმავება აირჩია.

საქართველო შეიძლება იყოს წამყვანი ქვეყანა რეგიონში, მაგრამ უბრუნდება პოლიტიკური ოპონენტების დევნას, შერჩევით სამართალსა და სასამართლოს ინსტრუმენტალიზაციას. ვადამდელი არჩევნები და დიალოგის განახლება ხელისუფლებასა და ოპოზიციას შორის უნდა იყოს განხილული მდომარეობიდან გამოსვლის გზად". – ვკითხულობთ განცხადებაში.