"მთავარი'' არხის ინფორმაციით, დილიდან ზურაბიშვილს საქართველოში აკრედიტებული დიპლომატიური კორპუსის წარმომადგენლები ხვდებოდნენ.

პრეზიდენტთან მოლაპარაკებებზე აშშ-ს, საფრანგეთის, გერმანიისა და ევროკავშირის ელჩები იმყოფებოდნენ და შეშფოთება გამოთქვეს იმ დაძაბულ პოლიტიკურ ვითარებაზე, რომელიც ქვეყანაში ნიკა მელიას დაპატიმრების გადაწყვეტილების შემდეგ შეიქმნა.

"მთავარის" ცნობით, დიპლომატებმა მოითხოვეს, არ გამოეყენებინა ხელისუფლებას ძალადობრივი მეთოდები ნიკა მელიას დასაკავებლად. საუბარი ასევე შეეხო პოლიტპატიმრებს, პოლიტიკურად მოტივირებლ საქმეებსა და პოლიტიკურ დევნას.