"იმას, რის გაკეთებაზე გახარიამ უარი თქვა, გააკეთებს კრემლის მარიონეტი ღარიბაშვილი - იქნება სისხლისღვრა, შტურმი ოპოზიციაზე, იქნება ხმაურიანი დაჭრები!"

პოლიტიკა - 19:18, 18 Feb, 2021

2717

"კომიკოსი დიქტატორი - ირაკლი ღარიბაშვილთან ერთად მივიღეთ სახეები, რომლებმაც საჯაროდ აღიარეს, რომ პარლამენტში, კულისებში განიხილებოდა მთავარი ოპოზიციური ლიდერის, დაკავების ვადები" - ასეთია "ქრონიკა პლუსის" მთავარი რედაქტორის ელისო კილაძის შეფასება ღარიბაშვილის პრემიერ-მინისტრის კანდიდატად დასახელების ფაქტს.
ელისო კილაძე ტვ. პირველის ეთერში ამომწურავად საუბრობს ღარიბაშვილის დანიშვნის მნიშვნელობაზე და ამბობს, რომ იგი არის და ყოველთვის იყო მარიონეტი. რომელიც აუცილებლად შეასრულებს არა მხოლოდ ივანიშვილის, არამედ რუსეთის დავალებებს. ამასთან, კილაძე აცხადებს, რომ ღარიბაშვილს ცოლის ნათესავებთან ურთიერთობა აკრძალული აქვს.

"ჩვენ მივიღეთ კომიკოსი დიქტატორი ირაკლი ღარიბაშვილი და სახეები, რომლითაც დღეს წარდგნენ ბრიფინგზე და გააკეთეს საჯარო აღიარება, იმის თაობაზე, რომ პარლამენტში, კულისებში განიხილებოდა მტავარი ოპოზიციური ლიდერის, დაკავების ვადები, სპეცოპერაციის დეტალები და ა.შ. მათ საკუთარი პირით თქვეს, რომ ამ საკითხზე ვერ შეთანხმდნენ. გიორგი გახარია თავის გადადგომით შეეცადა, რომ ეს პროცესი შეეჩერებინა.
რას ნიშნავს ღარიბაშვილის დანიშვნა - ღარიბაშვილი არის და ყოველთვის იყო მარიონეტი. თავდაცვის მინისტრის პოსტზე ივანიშვილმა ღარიბაშვილი დააბრუნა იმ პირობით, რომ მას აკრძალული აქვს ცოლის ნათესავებთან კომუნიკიცაცია. ამიტომ ტყუილად უხარიათ თამაზაშვილის მარნის ბინადრებს, რომ მათი გავლენები დაბრუნდება, არა არ დაბრუნდება" - აცხადებს კილაძე.

ჟურნალისტი მოვლენების ყველაზე მძიმე სცენარს პროგნოზირებს. კილაძე აცხადებს, რომ ის რაც გახარიამ არ გააკეთა აუცილებლად გააკეთებს ღარიბაშილი, მისი თქმით, იქნება შტურმი ოპოზიციაზე და გარდაუვალია სისხლისღვრა:

"ღარიბაშვილის დაბრუნება ნიშნავს იმას, რომ რაც არ გააკეთა გახარიამ გააკეთებს ღარიბაშვილი, იმიტომ, რომ მისი რიტორიკა არის ყველაზე ბინძური ენით გაჟღენთილი და პირად მტრობამდე მისული. ეს არის ქართული ოცნების ბოლო პრემიერი და "ოცნების" დასასრულის დასაწყისი. ჩვენ უნდა შევეგუოთ, რომ ყველაზე მძიმედ განვითარდება პროცესები, იქნება სისხლის ღვრა, აუცილებლად იქნება შტურმი ოპოზიციაზე, იქნება ხმაურიანი დაჭრებეი, ვინც ვარ მზად ამ ბრძოლისთვის მივდივართ ამ ბრძოლაში და მივდივართ იმ რწმენით, რომ ქართული ოცნება აუცილებლად დასრულდება. სხვაგვარად ვერა. ნიკა მელიას პერსონალურმა გმირობამ მოიტანა ეს დღე. დიახ, გადამწყვეტი ბრძოლაა რუსულ და ევროპულ ფასეულობებს შორის, გადამწყვეტი ბრძოლაა ჩვენი სამშობლოსთვის, ჩვენ კი ამ ბრძოლაში უნდ დაწიდეთ დიახ თავგანწირვაზე. იმიტომ რომ ეს არის ყველაზე მძიმე სცენარი, რაც შეიძლება ქვეყანაშ განვითარებულიყო. არ მინდა ვინმე შევაშინო, მაგრამ ღარიბაშვილი არის ადამიანი, რომელიც ვა-ბანკზე წამსვლელია, ის არის მზად, ნებისმიერი რუსილი დავალება შეასრულოს, ის არის მარიონეტი არა მხოლოდ ივანიშვილის დავალების არამედ რუსეთის დავალების შემსრულებელი. მის დროს ყველა გრიფით საიდუმლო დოკუმენტი გატანილია ქვეყნიდან. თუ დღეს ვინმეს სურს, რომ საქართველოში დაასრულოს ნატოსა და ევროკავშირზე ოცნება, ეს პერსონა არის ირაკლი ღარიბაშვილი" - აცხადებს კილაძე.