საქართველოს მესამე პრეზიდენტმა მიხეილ სააკაშვილმა ტელეკომპანია მთავარის ეთერში გერმანიაში წასვლის მსურველ საზოგადოებას მიმართა და მოუწოდა, რომ ქვეყანაში დარჩნენ, რადგან საქართელოში მალე იმაზე მეტი შემოსავალი იქნება, რასაც გერმანიაში აიღებენ:

"გერმანიაში ნუ მიდიხართ. მე გაძლევთ გარანტიას, არ ვაპირებ არანაირი პოსტის დაკავებას, მაგრამ ჩვენ, ყველანი ერთად გაძლევთ გარანტიას, რომ იმაზე მეტი შემოსავალი გექნებათ საქართველოში უახლოეს თვეებში, ვიდრე გერმანიაში.

რა დაგკარგვიათ ამ გერმანიაში. ვარ აგერ ყველაზე მაგარ ადგილზე ძალიან კარგად მოწყობილი, სამშობლოს არაფერი არ ცვლის, ხალხო", - განაცხადა სააკაშვილმა.