გახარიას გადადგომის შემდეგ, კიდევ ერთხელ დადასტურდა, რომ მოსამართლე ნინო ჩახნაშვილი გუშინ მიღებულ გადაწყვეტილებაში დამოუკიდებელი არ ყოფილა და მმართველი პარტიის დირექტივა შეასრულა.

ირაკლი კობახიძეს დღეს მოუწია ეღიარებინა ისიც, რომ უთანხმოება გადაწყვეტილების აღსრულების ვადებს უკავშირდებოდა.

შეგახსენებთ, რომ "ნიუპოსტი" რამდენიმე დღის წინ აქტიურად წერდა, რომ იარკლი კობახიძეს პრემიერ გახარიას "მოშორებას" და გაპრემიერებას აპირებდა.

რა ხდება "ოცნებაში" გახარიას შემდეგ და ვინ განიხილება პრემიერის პოსტზე?

დიდი ალბათობით, მმართველი პარტია მხარს ირაკლი კობახიძეს დაუჭერს, რომელიც მელიას დაჭერით ღიად დღეს კიდევ ერთხელ დაემუქრა.

ასევე, არსებული ინფორმაციით, საქართველოს პრემიერ მინისტრის პოსტზე ივანიშვიულის გუნდი განიხილავს კიდევ ორ კანდიდატს - ეკატერინე ტიკარაძესა და თეა წულუკიანს.

ვრცელდება ასევე ინფორმაცია, რომ პრემიერობა სურს ირაკლი ღარიბაშვილსაც, რომელიც თავდაცვის მინისტრის პოსტს იკავებს.

ასევე, არსებული ცნობების თანახმად, გახარიას კადრებს მთავრობასა და ძალოვან სტრუქტურებს დაატოვებინებენ.

თანამდებობა შეიძლება დატოვოს საგარეო საქმეთა მინისტრმა დავით ზალკალიანმა, რომელიც გახარიამ ვიცე-პრემიერად დანიშნა. მას, სავარაუდოდ, კახა კუჭავათი ჩაანაცვლებენ.

თანამდებიბიდან შესაძლოა გაუშვან ნათია თურნავა, ეკონომიკის მინისტრად კი ივანე მაჭავარიანი ვიხილოთ.