"შეშფოთებული ვარ" - ასე ეხმაურება ევროპარლამენტარი ანა ფოტიგა , საქართველოში განვითარებულ მოვლენებს.

ევროპარლამენტარის შეფასებით , ნიკა მელიას დაკავება მიუღებელია - მისივე თქმით, საქართველო ისევ უბრუნდება 90-იანი წლების მშფოთვარე წარსულს.

"შეშფოთებული ვარ იმ ამბებით, რაც საქართველოდან გვესმის. ქვეყნიდან, რომელიც ადრე მაგალითს აძლევდა სხვებს და ახლა ისევ ბრუნდება თავისი მშფოთვარე წარსულში, როგორც 1990-იან წლებში. ნიკა მელიას დაპატიმრების შესახებ გადაწყვეტილება მიუღებელია,“- წერს ფოტიგა.

შეგახსენებთ , რომ მოსამართლემ, ნინო ჩახნაშვილმა, პროლკურატურის მოთხოვნა დააკმაყოფილა და ნიკა მელიას აღკვეთის ღონისძიების სახით პატიმრობა შეუფარდა - პროცესი 6 საათის განმავლობაში მიმდინარეობდა და მას ბრალდებული, ნიკა მელია არ დასწრებია.