პარლამენტის თავმჯდომარემ არჩილ თალაკვაძემ პრემიერ-მინისტრ გიორგი გახარიას გადადგომის შემდეგ სპეციალური განცხადება გაავრცელა და აღნიშნა, რომ ქვეყანაში დესტაბილიზაციის მცდელობას არ დაუშვებს. მისი თქმით, ოცნების გუნდი ერთიანია და ყველა საჭირო ღონისძიება უწყვეტ რეჟიმში გაგრძელდება:

„მკაფიოდ მინდა ვთქვა, რომ პოლიტიკური გუნდი არის ერთიანი. სახელმწიფო ინსტიტუტები სრულ მზადყოფნაში იმისთვის, რომ ყველა საჯარო ფუნქციის, ყველა სახელმწიფო სერვისის მიწოდება გაგრძელდეს უწყვეტ რეჟიმში.

რასაკვირველია, ჩვენ არანაირ წყვეტას, ქვეყანაში არანაირ დესტაბილიზაციის მცდელობებს არ დავუშვებთ, ამის ერთ-ერთი მნიშვნელოვანი გარანტი არის სწორედ საქართველოს პარლამენტი“, - განაცხადა თალაკვაძემ.