ენმ-ს ოფისში გამართულ ბრიფინგზე ნიკა მელიამ განაცხადა, რომ ქვეყანაში ხელისუფლება იცვლება და ეს პროცესი მშვიდობიანად ჩაივლის. მისი თქმით, კობახიძე აღარ არის იმ მდგომარეობაში, რომ ხალხის ნებას ზურგი შეაქციოს:

„ბატონი კობახიძე აღარ არის იმ მდგომარეობაში, რომ ხალხის ნების ზურგის შექცევა შეძლოს. ეს ცხადზე უცხადესია! ელემენტარული ალღოა საჭირო, რომ დავრწმუნდეთ - ხელისუფლება ამ ქვეყანაში იცვლება. ხელისუფლება ამ ქვეყანაში მშვიდობიანად შეიცვლება და ეს ყველაფერი ძალიან მალე მოხდება. ბატონ კობახიძეს სულ რამდენიმე საათის წინ გეგმაში ჩემი დაკავება ჰქონდა, რაც თავშივე უსაფუძვლო იყო“, - განაცხადა მელიამ.