“მივუჯდეთ მოლაპარაკების მაგიდას ფასილიტატორ ელჩებთან ერთად და განვიხილოთ საკითხი ახალი არჩევნების ჩატარებასთან დაკავშირებით”

“მივუჯდეთ მოლაპარაკების მაგიდას ფასილიტატორ ელჩებთან ერთად და განვიხილოთ საკითხი ახალი არჩევნების ჩატარებასთან დაკავშირებით” - ნიკა მელია

პოლიტიკა - 11:33, 18 Feb, 2021

800

ნიკა მელიამ ენმ-ს ოფისში გამართულ ბრიფინგზე პოლიტიკურ მხარეებსა და ფასილიტატორ ელჩებს მოლაპარაკებებისკენ მოუწოდა. მისი თქმით, აუცილებელია ქვეყანაში ხელახალი არჩევნების ჩატარება, რადგან ხელისუფლებამ ქართველ ხალხს მოპარა ნება, შეეცვალა ქვეყანაში ოლიგარქიული მმართველობა და მასთან დაკავშირებული მანკიერებები:
"პირველივე დღიდან ჩვენ საერთო ოპოზიციური მოძრაობა არა ერთ ფორმატში გამართული შეხვედრის შემდეგ განგვიცხადებია, რომ ჩვენთვის უმთავრესი არის ქვეყანაში კანონის უზენაესობა, ჩენთვის უმთავრესი არის ქვეყანაში მოვიპოვოთ სამართლიანი არჩევნების უფლება, სადაც ერთხელ და სამუდამოდ ჩატარდებოდა პირუთვლელი არჩევნები და გამარჯვებულს მიულოცავდა დამარცხებული. ვსაუბრობდით, რომ პოლიტიკური რეპრესიები უნდა დასრულებულიყო, ვსაუბრობდით ქვეყნის წარმატებაზე, განვითარებაზე, რაც შეუძლებელი იქნებოდა ოლიგარქიული რეჟიმის პირობებში. ეს იყო ჩვენი მთავარი წუხილი და სწორედ, აქედან გამომდინარე, ოპოზიციურმა პარტიებმა დავსახეთ კონკრეტული მიზნები და ამოცანები ამ მძიმე კრიზისული ვითარებიდან გამოსასვლელად და მივიღეთ 2020 წლის არჩევნებშიუ მონაწილეობა. ხალხის ნება გამოიხატა, თუმცა ივანიშვილის ხელისუფლებამ ეს არჩევნები გააყალბა და მოიპარა, შესაბამისად, ცვლილებები ვერ განხორციელდა, არა და ამის დაუოკებელი სურვილი საზოგადოებაში იყო. ჩვენ ერთგულები ვართ იმ აუცილებლად გასატარებელი ცვლილებებისა, რომელიც ქვეყანას კრიზისიდან გამოიყვანს. მხოლოდ და მხოლოდ ახალი ვადამდელი არჩევნები, რომელიც წესრიგში მოიყვანს ყველა სფეროს დაწყებული სამართლებრივი წესრიგიდან. ოპოზიციური პარტიების სახელით მინდა განცხადება გავაკეთო, რომ მივუჯდეთ მოლაპარაკების მაგიდას ამ რეჟიმის წარმომადგენლებთან ფასილიტატორების მონაწილეობით და განვიხილოთ საკითხი ახალი არჩევნების ჩატარებასთან დაკავშრებით. ჩვენი ამოცანა არ იყო და არასოდეს იქნება ძალადობა, ვინმეს დაჩაგვრა, იმიტომ, რომ ჩვენ ვართ მართლები. ჩვენ რომ მართლები ვართ, ვინმე კი არ უნდა დავჩაგროთ, ჩვენი სურვილია, რომ ქვეყანა განვითარდეს და ქვეყანა განვითარდება მხოლოდ და მხოლოდ თავისუფალი სამართლიანი არჩევნების ჩატარებით" - განაცხადა მელიამ.