"ნაციონალური მოძრაობის" ოფისში, სადაც მთელი ღამის განმავლობაში ოპოზიციის წარმომადგენლები და ნიკა მელიას მხარდამჭერები იმყოფებოდნენ, ცოტა ხნის წინ პოლიცია მივიდა. სამართალდამცველები მელიას ნახვას მოითხოვდნენ, თუმცა იქ შეკრებილმა პირებმა ამის უფლება არ მისცეს.

"ევროპული საქართველოს" ლიდერის გიგა ბოკერიას განცხადებით, პოლიციას მოუწევს ძალის გამოყენება და არა მხოლოდ ერთი ლიდერის, არამედ ბევრი ლიდერის დაკავება, რომლებიც ბოლომდე ნიკა მელიას გვერდით იქნებიან:

„საზოგადოებას აქვს ერთადერთი სწორი არჩევანი, რომ მშვიდად არ შეეგუოს მიტაცებას ამ ქვეყნის და ივანიშვილის რეჟიმის მხრიდანპოსტსაბჭოთა ჭაობში ბოლომდე ჩაფლობას.

არ მინდა არც ისეთი პროგნოზები, არც ასეთი. ვერაფერს გამოვრიცხავ. მეც ის ვიცი, რაც თქვენ იცით. აქ გადაწყვეტილებაა მიღებული, რომ მათ მოუწევთ ძალის გამოყენება. ჩვენ არ ვაპირებთ აგრესიას და ძალის გამოყენებას, მაგრამ მათ მოუწევთ ძალის გამოყენება და კანონის უზენაესობის დროშის ქვეშ დაუმორჩილებლობისთვის დაკავება ადამიანების, მათ შორის ერთი ლიდერის კი არა, ბევრი ლიდერის“, - განაცხადა ბოკერიამ.