"ქართულმა ოცნებამ" დაპირისირებისკენ კიდევ ერთი ნაბიჯი გადადგა" - ასე ეხმაუერება "სტრატეგია აღმაშენებლის" ლიდერი , გიორგი ვაშაძე, "ენმ"-ს თავმდჯომარის, ნიკა მელიას პატიმრობის შეფარდებას.

ვაშაძის შეფასებით, ეს არის უპასუხისმგებლო გადაწყვეტილება - მისივე თქმით, აუცილებელია ქვეყანაში მშვიდობიანი პროტესტი, რათა არ მისცენ ხელისუფლებას მიტაცების უფლება.

"სამწუხაროდ, ქართულმა ოცნებამ დაპირისპირებისკენ კიდევ ერთი ნაბიჯი გადადგა. რაც მათ მიიღეს, არის უპასუხიმგებლო გადაწყვეტილება, მათ არ უნდათ ქვეყნის ნორმალური განვითარება. აქედან გამომდინარე, მე ვფიქრობ, რომ ჩვენ უნდა დავიწყოთ ქვეყნაში მშვიდობიანი პროტესტი და უნდა დავდგეთ ყველანი ერთად იმისთვის, რომ არ მივცეთ ხელისუფლების მიტაცების შესაძლებლობა" ,- განაცხადა ვაშაძემ ტვ "პირველის" ეთერში.

შეგახსენებთ , რომ მოსამართლემ, ნინო ჩახნაშვილმა, პროლკურატურის მოთხოვნა დააკმაყოფილა და ნიკა მელიას აღკვეთის ღონისძიების სახით პატიმრობა შეუფარდა - პროცესი 6 საათის განმავლობაში მიმდინარეობდა და მას ბრალდებული, ნიკა მელია არ დასწრებია.