ბრიტანელი პოლიტიკური მიმომხილველი, დენიელ ჰემილტონი სასამართლოს მიერ "ნაციონალური მოძრაობის" თავმჯდომარის, ნიკა მელიას , პატიმრობის შეფარდებას ეხმაურება და აცხადებს, რომ "ეს გადაწყვეტილება არის ძალიან დიდი შეცდომა" .

ჰემილტონის შეფასებით, მიღებული განაჩენი საქართველოს საერთაშორისო მდგომარეობას დიდ ზიანს მიაყენებს.

"გადაწყვეტილება ნიკა მელიას პატიმრობასთან დაკავშირებით ძალიან დიდი შეცდომაა, რომელიც, სამწუხაროდ, საქართველოს საერთაშორისო მდგომარეობას დიდ ზიანს მიაყენებს. ყველა ჩვენგანს ვისაც ქვეყანა გვიყვარს ვალდებულია ხმა ამოიროს, საქართველოს უკიდურესად სჭირდება ივანიშვილის გავლენისგან გათავისუფლება", - წერს დენიელ ჰამილტონი.

შეგახსენებთ , რომ მოსამართლემ, ნინო ჩახნაშვილმა, პროლკურატურის მოთხოვნა დააკმაყოფილა და ნიკა მელიას აღკვეთის ღონისძიების სახით პატიმრობა შეუფარდა - პროცესი 6 საათის განმავლობაში მიმდინარეობდა და მას ბრალდებული, ნიკა მელია არ დასწრებია.