"ნაციონალური მოძრაობის" თავმჯდომარის, ნიკა მელიასთვის, აღკვეთის ღონისძიების სახით პატიმრობის შეფარდებას ბათუმშიც ეხმაურებიან და აჭარის მთავრობის სახლთან სხვადასხვა ოპოზიციური პარტიების ლიდერები და მხარდამჭერები შეიკრიბნენ.

მათი შეფასებით, დღევანდელი დღე არის "20 ივნისის გამოძახილი თავისუფლების კვარტლიდან".

შეკრებილების განცხადებით, ამ ფორმით ნიკა მელიას სოლიდარობას უცხადებენ - მათი თქმით, რუსული ოკუპაციის წინააღმდეგ ბრძოლას არ შეწყვეტენ.

"ეს გზა გადის თითოეულ იმ ქართველზე, რომელიც დღეს ზის და ფიქრობს, რა იქნება ხვალ ჩვენი ქვეყნის მომავალი. დღეს 20 ივნისის გამოძახილია თავისუფლების კვარტლიდან.

მივმართავთ, ყველა ადამიანს, ვინც არის თავისუფალი, მაკო გომურის გამო, ვინც გავრილოვის გამო სისხლი დაღვარა, ჩვენ უნდა დავდგეთ ერთად.ერთხელ და სამუდამოდ ჩვენს ქვეყანაში დავამთავროთ რუსული ოკუპაცია. ამიტომ, რუსული ოკუპაცია თავისუფლების კვარტალში არის მთავარი. გავერთიანდეთ ქვეყნის გადასარჩენად, არა მელია, არამედ ქვეყანა გვაქვს გადასარჩენი",- განაცხადა რეზო ხარაზმა.

შეგახსენებთ , რომ მოსამართლემ, ნინო ჩახნაშვილმა, პროლკურატურის მოთხოვნა დააკმაყოფილა და ნიკა მელიას აღკვეთის ღონისძიების სახით პატიმრობა შეუფარდა - პროცესი 6 საათის განმავლობაში მიმდინარეობდა და მას ბრალდებული, ნიკა მელია არ დასწრებია.