"პირობას ვაძლევ ივანიშვილს და "ქართულ ოცნებას“, რომ ეს უკანონობა ვერ იარსებებს... თქვენი მონა პარლამენტარები, მოსამართლეები, პროკურორები და პოლიციელები ვერ განსაზღვრავენ ქვეყნის მომავალს"

"პირობას ვაძლევ ივანიშვილს და "ქართულ ოცნებას“, რომ ეს უკანონობა ვერ იარსებებს... თქვენი მონა პარლამენტარები, მოსამართლეები, პროკურორები და პოლიციელები ვერ განსაზღვრავენ ქვეყნის მომავალს" - ხოშტარია

პოლიტიკა - 23:21, 17 Feb, 2021

777

პოლიტიკოსი, ელენე ხოშტარია, ნიკა მელიასთან დაკავშირებით სასამართლოს მიერ მიღებულ ვერდიქტს ეხმაურება და აცხადებს, რომ არ საზოგადოება არ დაემორჩილება ამ გადაწვყვეტილებას და პირობას დებს, რომ ეს უკანონობა ვერ იარსებებს.

ხოშტარიამ ხაზგასმით განაცხადა, რომ ",შვიდად გაისტუმრებენ“ მოქმედ ხელისუფლებას.

"2019 წელს ჩვენ ვიხილეთ "ქართული ოცნების“ თავხედობა, როცა მათ შეურაცხყოფა მიაყენეს საქართველოს აბსოლუტურად ყველა მოქალაქეს, თუმცა, იმავე წამს იმავე დროს, ჩვენ ვიხილეთ ერთ მუშტად შეკრული საქართველო, რომელმაც უთხრა, რომ საქართველოს მოქალაქე არ იღებს ამ შეურაცხყოფას, არ დაისვამს თავზე გავრილოვს და გავრილოვი გავაბუნძულეთ იქიდან, ჩვენ ვიყავით ამაყი ერი სწორედ ერთი წლის წინ. დღეს "ქართულმა ოცნებამ“ გადაწყვიტა, რომ განაჩენი გამოუტანოს საქართველოს დემოკრატიას, თავისუფლებას და მომავალს და ზუსტად ასევე დღეს, ერთ მუშტად შეკრულები, ჩვენ ვიძახით, რომ ეს არ მოხდება ასე, ჩვენ ამას არ ვემორჩილებით სიმშვიდით, სიმტკიცით, პრინციპულობით და ერთიანობით.

პირობას ვაძლევ ბიძინა ივანიშვილს და "ქართულ ოცნებას“, რომ ეს უკანონობა ვერ იარსებებს, რადგან ხალხი განსაზღვრავს ამ ქვეყანის მომავალს და არა თქვენი მონა პარლამენტარები, მოსამართლეები, პროკურორები და პოლიციელები, არაფერი არ მოხდება, მშვიდად ვიდგებით ერთად და გავისტუმრებთ ამ ხელისუფლებას,“- განაცხადა ხოშტარიამ "ენმ"-ს ოფისში გამართულ საგანგებო ბრიფინგზე.

შეგახსენებთ , რომ მოსამართლემ, ნინო ჩახნაშვილმა, პროლკურატურის მოთხოვნა დააკმაყოფილა და ნიკა მელიას აღკვეთის ღონისძიების სახით პატიმრობა შეუფარდა.