ერთიანი ნაციონალური მოძრაობის თავმჯდომარე, ნიკა მელია მოსამართლის "პოლიტიკურ გადაწყვეტილებას" ოპტიმისტურად შეხვდა.

მეტიც, მელია საქართველოს მოსახლეობას "გამარჯვებას ულოცავს". ენმ-ს თავმჯდომარე თვლის, რომ დღეს გაჟღერებული გადაწყვეტილება ეს არა მხოლოდ პოლიტიკური, არამედ სულიერი გამარჯვებაა.

"მე საქართველოს მოსახლეობას ვულოცავ გამარჯვებას, იმიტომ, რომ ჩვენ გავიმარჯვეთ დღეს. ჩვენ დღეს გამარჯვებულები ვართ არა მხოლოდ პოლიტიკურად, არა მხოლოდ ზნეობრივად, სულიერადაც გამარჯვებულები ვართ იმიტომ, რომ ამ ყველაფრისთვის უამრავ ჩვენს წინაპარს უცხოვრია, რომ ებრძოლა და მოეპოვებინა შედეგად თავისუფლება ", - თქვა მელიამ და მხარდამჭერებს სოლიდარობისთვის მადლოგა გადაუხადა.