მოსამართლემ თავი არ აიცილა და ნიკა მელიას ადვოკატების შუამდგომლობა არ დააკამაყოფილა - ადვოკატებმა აღნიშნულის შემდეგ მოსამართლეს პროცესის გადადების შუამდგომლობით მიმართეს.

რადგან , ადვოკატების განმარტებით, ახალი გარემოება გამოიკვეთა, აღნიშნულთან დაკავშირებით კი, ბრალდებულ ნიკა მელიასთან პოზიცია უნდა შეეთანხმებინათ - თუმცა, მოგვიანებით, აღნიშნული შუამდგომლობა მოხსნეს და აღნიშნეს, რომ რადგან "ყველაფერი ისედაც ნათელია, დღესვე გაფორმდეს ის, რაც ქართულ სახელმწიფოებრიობას დიდ რისკს უქმნის".

შეგახსნებთ, რომ ნინო ჩახნაშვილს დიტო საძაგლიშვილმა და ბექა ბასილაიამ სასამართლო სხდომაზე შესვენების შემდგ მიმართეს და მოსთხოვეს, საქმე აეცილებინა, რადგან მათ კითხვის ნიშნის ქვეშ დააყენეს ჩახნაშვილის დამოუკიდებლობა.

ადვოკატები თვლიან , რომ მოსამართლის არათუ გადაწყვეტილება იყო წინასწარ ცნობილი, არამედ მისი აღსრულებაც იყო დაწყებული, რაზეც ენმ-ს ოფისთან სპეცრაზმისა და პოლიციის განსაკუთრებული მობილიზაცია მეტყველებდა.