მელიას ადოვოკატი, გიორგი კონდახიშვილი აცხადებს, რომ ხელისუფლება სასამართლოს თვლის არა მართლმსაჯულების ორგანოდ, არამედ თავისი დაკვეთის განმახორციელბელ ორგანოდ - მისივე განმარტებით, მოსამართლეს იმდენ პატივსაც არ სცემენ, რომ თუნდაც ფორმალურად სასამართლოს შეუნარჩუნონ სახე და ელემენტარულად დალოდებოდნენ გადაწყვეტილების გამოცხადებას.

"მოსამართლეს გადაწყვეტილება არ გამოუტანია და სპეცრაზმია მობილიზებული ენმ-ს ოფისთან. იმდენ პატივსაც არ გცემენ, თუნდაც ფორმალურად სასამართლოს შეუნარჩუნონ სახე და ელემენტარულად დალოდებოდნენ თქვენს მიერ გამოცხადებულ გადაწყვეტილებას. სასამართლოს გადაწყვეტილებას არ დაელოდნენ და მოქმედებაში მოიყვანეს სპეცდანიშნულების რაზმი, რომელიც დაკავშირებულია საკმაოდ კომპლექსურ პროცესთან" ამბობს კონდახაშვილი.