"ქართული ოცნების" თავმჯდომარე , არჩილ თალაკვაძე აცხადებს, რომ "ენმ"-ს თავმჯდომარე, ნიკა მელია, თავიდან გაგულისებული იყო ახლა კი ჩაიკეტა ოთახში და მისივე თქმით, სამაჯურზე მეტი შეზღუდვა თავად დაუწესა საკუთარ თავს.

სირცხვილია, რასაც ჩვენ ვხედავთ - ერთ შემთხვევაში ის გაგულისებული იყო და ამბობდა, რომ ყველა ბორკილს მოიწყვეტს, თავს გაითავისუფლებს და დღეიდან ის არის თავისუფალი ლიდერი, რომელიც სათავეში უდგას ოპოზიციურ რეაქციულ მოძრაობას და დღეს ვნახეთ, რომ სანამ სასამართლო რამეს გადაწყვეტდა, თვითონ ჩაიკეტა თავი ოთახში, ფაქტიურად, სამაჯურზე მეტი შეზღუდვა თავად დაუწესა საკუთარ თავს. ასეთი ტიპის ლიდერთან გვაქვს ჩვენ საქმე.

შეგახსენებთ, რომ ამ წუთებში თბილისის საქალაქო სასამართლოში "ნაციონალური მოძრაობის თავმჯდომარის", ნიკა მელიას სასამართლო პროცესი მიმდინარეობს. პროკურატურა აღკვეთის სახით მის პატიმრობას ითხოვს.