"ქართული ოცნების" თავმჯდომარე, მამუკა მდინარაძე ირწმუნება, რომ ნიკა მელიას ციხეში ჩასმას ოპოზიცია და მისივე პარტია - "ნაციონალური მოძრაობა" ცდილობს.

"როდესაც რადიკალიზაციისკენ მიდის ოპოზიცია და ყველაფერს აკეთებს იმისთვის, რომ თავისი პარტიის თავმჯდომარე ჩაჯდეს ციხეში, ყველაფერს აკეთებს ამისთვის, იმიტომ, რომ მერე გმირი გამოიყვანონ მისგან, აქამდე ვერაფერი რომ ვერ გააკეთეს და ხალხი რომ ვერ ააღელვეს ვერაფრით, ამით ცდილობენ ახლა, ბოლო მცდელობაა მათი, რომ საზოგადოებაში აღშფოთება გამოიწვიონ", - განაცხადა მამუკა მდინარაძემ.

შეგახსენებთ, რომ უკვე 2 საათზე მეტია, რაც თბილისის საქალაქო სასამართლოში "ნაციონალური მოძრაობის თავმჯდომარის", ნიკა მელიას სასამართლო პროცესი მიმდინარეობს. პროკურატურა აღკვეთის სახით მის პატიმრობას ითხოვს.